Қазقاز        
Бізге хат жазыңыз
Бізге хат жазу

Байланыс

Мекенжайы:
Нұр-Сұлтан қаласы, Сауран көшесі, 7А
Телефон:
+7(717-2) 40-83-67

+7(717-2) 40-83-93
E-mail:
info@tilqazyna.kz

tilalemi.kz@gmail.com
Кіру 
Кіру тіркелу

Тәуелсіздік тұғыры - мемлекеттік тіл

Өз тілін өзі білмеген ел – ел болмайды

Халел Досмұхамедұлы

Сөзі жоғалған ұлттың өзі де жоғалады

Ахмет Байтұрсынұлы

Тіл – адам жанының тілмашы

Мағжан Жұмабаев

Тіл тазалығы үшін күрес - ешқашан толастамайтын мәңгілік күрес

Бауыржан Момышұлы

Ана тілін жақсы меңгере алмай тұрып, өзге пәндерді түсіну мүмкін емес

Жүсіпбек Аймауытұлы

МӘСКЕУГЕ ҒЫЛЫМИ ЭКСПЕДИЦИЯ ҰЙЫМДАСТЫРЫЛДЫ

4.7.2022 380
2022 жылғы 27 маусым-2 шілде аралығында Шайсұлтан Шаяхметов атындағы «Тіл-Қазына» ұлттық ғылыми-практикалық орталығының бас директоры, белгілі ғалым Ербол Тілешов Мәскеуге ғылыми экспедиция құрамында барды. Бір аптаға созылған бұл шоқтығы биік шара ұлт ұстазы Ахмет Байтұрсынұлының туғанына 150 жыл толу аясында ұйымдастырылды. «Дүниежүзі болып атап өтіп жатқан мерейлі дата тұсында Ахаңның ізі қалған құжаттар табылып қалады-ау деген әлемнің біраз архивтеріне экспедиция жасау ұйғарылған еді. Оның ішінде Финляндияның астанасы Хельсинки қаласынан бастап, Ресей, Өзбекстан секілді мемлекеттер бар. Күні кеше ғана Мәскеу қаласындағы Ресей Федерациясының Мемлекеттік архивінен оралдық.

Алдын ала жоспарлау мен өзара келісімнің арқасында 7 млн астам қоры бар үлкен мекемеден 16 құжатқа тапсырыс берілді. Олардың көлемі әртүрлі, 200 бетке дейін барып қалатындары да бар. Бірден айтайын, олжамыз аз емес. Бұрын-соңды ғылыми айналымға түспеген тың мәліметтер табылып жатыр. Кейін экспедиция қорытындысымен жарық көретін жинақта жарияланады», – дейді Ербол Ердембекұлы.

Естіген адамның көңілін толқытарлық тағы бір сәт. Алаш ардақтысы Әлихан Бөкейхановтың 15 жыл тұрған үйі жанында естелік суретке түскен екен. Үшінші қабаттағы терезе сол тарихи кезеңнің куәсіндей күнге шағылысып, қиялыңды көкке өрлетеді.

Бұдан басқа Хамовникийдегі Л.Толстой музей-үйіне бас сұғыпты.

Ғылыми экспедицияның басқа мемлекеттер мен Ресейдің Қазан, Санкт-Петербург, Орынбор, Омбы, Троицк секілді қалаларына сапар туралы сауалымызға: «Алдын ала бекітілген кестеге сәйкес, Ресейдің бірқатар қалаларында жұмыс жүріп жатыр, ал еліміздің белгілі ғалымдары қатысатын ғылым жорығы жуық арада өз жалғасын табады», – деген жауап алдық.

Сәт-сапар тілейміз!

Тегтер: Ахмет Байтұрсынұлы 150 жыл
Авторы: Тіл әлемі

Сондай-ақ, оқи отырыңыз

322

ақпарат

АХМЕТ БАЙТҰРСЫНҰЛЫ – ҚАЗАҚ ҰЛТШЫЛДЫҒЫНЫҢ РУХАНИ КӨСЕМІ

878

ақпарат

БАЙҚАУ МЕРЗІМІ ҰЗАРТЫЛДЫ

378

ақпарат

ӘЛЕМДІК ТҰЛҒА