​Онлайн семинар өтті

26 қараша, 2021

ҚР Білім және ғылым министрлігі Тіл саясаты комитетінің тапсырысы бойынша Шайсұлтан Шаяхметов атындағы «Тіл-Қазына» ұлттық ғылыми-практикалық орталығының ұйымдастыруымен «Тілдерді оқытудың әдістемесі: жаңа бағыттары мен тиімді тәсілдері» тақырыбында дәстүрлі республикалық онлайн семинар өтті.

Онлайн семинарлар ұйымдастырудағы негізі мақсат – қазақ тілін екінші тіл ретінде оқытуды жетілдіру, әдістемелерді зерделеу, тіл оқытудың өңірлік орталықтарының тәжірибелерімен бөлісу және сол арқылы тіл оқыту орталықтарының әдіскерлері мен оқытушыларына әдістемелік көмек көрсету.

Семинар спикерлері Түркістан облысының Қазығұрт, Отырар, Созақ аудандары мен Арыс қаласының Тілдерді оқыту және дамыту орталықтарының әдіскерлері мен қазақ тілі оқытушылары болды.

Айта кетейік, қазіргі таңда республика бойынша 108 тіл оқыту орталығы қазақ тілін оқыту бойынша қызмет көрсетіп келеді.

Онлайн басқосу ZOOM платформасында өтті және жалпы тыңдармандар үшін Facebook әлеуметтік желісінде тікелей эфирде де көрсетілді.


Баға беріңіз