Тәуелсіздік тұғыры - мемлекеттік тіл

Өз тілін өзі білмеген ел – ел болмайды

Халел Досмұхамедұлы

Сөзі жоғалған ұлттың өзі де жоғалады

Ахмет Байтұрсынұлы

Тіл – адам жанының тілмашы

Мағжан Жұмабаев

Тіл тазалығы үшін күрес - ешқашан толастамайтын мәңгілік күрес

Бауыржан Момышұлы

Ана тілін жақсы меңгере алмай тұрып, өзге пәндерді түсіну мүмкін емес

Жүсіпбек Аймауытұлы

БАЙҚАУДЫҢ КЕЛЕСІ КЕЗЕҢІ ТАЯУ

22.6.2021 313
Баршаға аян, мемлекеттік тіл – қазақ тілін ұлтаралық қатынас құралы ретінде беделін арттыру, азаматтардың қазақ тілін меңгеруге мән беріп, әлеуметтік салаларда мемлекеттік тілдің қолданыс аясын арттыруға ықпал ету, тіл меңгерушілерді ынталандыру, тіл меңгеруді насихаттау мақсатында Қазақстан халқы этнос өкілдері арасында өтіп жатқан «МЕН ҚАЗАҚША СӨЙЛЕМІН» республикалық акциясының екінші кезеңі жақындап келеді.

Қазақстан Республикасы Тәуелсіздігінің 30 жылдығына орай, биыл байқау үміткерлері үшін Отан, туған ел, туған жер, мемлекеттік тіл тақырыбындағы қазақ ақындарының өлеңдерінен жатқа үзінділер оқу ұсынылған.

Екінші кезең қатысушылары – 9-11 сынып және колледж оқушылары. Олар байқау шартына сәйкес, 3 маусым – 1 шілде аралығында өлең жолдарын мәнерлеп оқып, видеоға түсіріп, өзінің Instagram әлеуметтік желісіндегі парақшасына орналастырып, #менқазақшасөйлеймін2021 хештегімен «бөліседі».

Жеңімпаздар әдеттегідей «ЛҮПІЛ» (Лайк) санымен анықталады.

Ал үшінші кезең жоғары оқу орны студенттері мен ересек азаматтар 5 шілде – 5 тамыз аралығында өтеді.

Өлең жолдарын жаттау 2,5 минуттан аспауы керек.

Осы байқаудың басы-қасында жүрген Ш.Шаяхметов атындағы «Тіл-Қазына» ұлттық ғылыми-практикалық орталығының басқарма басшысы Әлім Сергібайұлын осы тақырып бойынша сөзге тартқанымызда:

– Тіл комитеті бұған жыл сайын үлкен мән беріп келеді. Қазақ тілінде жатқа жыр оқып отырған отандасың үшін кеудеңде құрмет сезімі пайда болады. Елбасымыз бірнеше мәрте айтып өткен, мемлекеттік тілдің біріктіруші факторға айналғанына көзің айқын жетеді, – деп жауап берді.

–Жас ерекшелігіне орай өтіп отырған байқаудың алдыңғысынан қандай айырмасы бар?

–Бұл сұраққа өзіңіз жауап беріп кеттіңіз. Бар айырма: жас ерекшелігінде ғана.

Қатысушылардың тағы бір рет есіне сала кетелік, бейне жарияланымда үзінді оқыған тұлғаның аты-жөні, тегі, ұлты, сыныбы, ұсынып отырған қала немесе облыс атауы,телефоны міндетті түрде көрсетілуі шарт.

Акцияның қорытындысы әр кезеңге байланысты шығарылып, онлайн режимде 2 шілде күні жүзден жүйрік, мыңнан тұлпар шыққандар марапатталады

Тегтер: Байқаудың келесі кезеңі таяу
Авторы: Тіл-Қазына

Сондай-ақ, оқи отырыңыз

87

ақпарат

Қазақ тілін оқыту әдістемелерін жүйелеу бойынша ынтымақтастық меморандумына қол қойылды

253

ақпарат

Тіл үйрету – күн тәртібінен түспейтін міндет

236

ақпарат

"Мен қазақша сөйлеймін" акциясына қатыс!