Тәуелсіздік тұғыры - мемлекеттік тіл

Өз тілін өзі білмеген ел – ел болмайды

Халел Досмұхамедұлы

Сөзі жоғалған ұлттың өзі де жоғалады

Ахмет Байтұрсынұлы

Тіл – адам жанының тілмашы

Мағжан Жұмабаев

Тіл тазалығы үшін күрес - ешқашан толастамайтын мәңгілік күрес

Бауыржан Момышұлы

Ана тілін жақсы меңгере алмай тұрып, өзге пәндерді түсіну мүмкін емес

Жүсіпбек Аймауытұлы

ЛИНГВИСТИКАЛЫҚ САРАПТАМА – ТЕРМИН БЕКІТУДІҢ АЛҒАШҚЫ БАСПАЛДАҒЫ

14.8.2020 537
Қазақстан Республикасы Мәдениет және спорт министрлігі Тіл саясаты комитетінің тапсырмасымен Шайсұлтан Шаяхметов атындағы «Тіл-Қазына» ұлттық ғылыми-практикалық орталығы терминдер мен атауларға лингвистикалық сараптама жүргізеді.

Осы жұмыстар негізінде Қазақстан Республикасы Үкіметінің жанындағы Республикалық терминология комиссиясына қажетті терминдер лингвистикалық сараптамадан өткізіледі.

Лингвистикалық сараптама терминологиялық ұғымдарға дәл балама табуға, термин-атауларды жасауда терминдік нақтылықты сақтауға, терминдер мен атауларды қазақ тілінің негізгі ережелеріне, жазу дәстүріне сәйкес реттеуге, туыстас түркі тілдерінің тәжірибесін назарға алуға мүмкіндік береді.

Қазіргі таңда отандық терминология мәселелері аясында еңбек етіп жүрген білікті терминтанушы ғалымдар лингвистикалық сараптама жасауға атсалысып, ұлттық терминологиялық жүйе қалыптастыру үшін жұмыла еңбек етуде.

Лингвистикалық сараптама жүргізу үшін сарапшылар тобы мүшелерінің сараптама қорытындысы Қазақстан Республикасы Үкіметінің жанындағы терминологиялық комиссиясына ұсынылады. Атап айтқанда, үстіміздегі жылы Қазақстан Республикасы Үкіметінің жанындағы Республикалық терминология комиссиясының екі отырысы өткізіліп, лингвистикалық сараптама жасалған 1054 термин талқыланды.

Сараптамадан өткен термин-атаулар заң саласын, банк қызметін, спорт (шахмат), Қазақстан Республикасы Ұлттық Қауіпсіздік комитеті шекара қызметі, әдебиет пен лингвистика, әскери іс салаларын қамтыды.

Лингвистикалық сараптамадан өтіп, Қазақстан Республикасы Үкіметінің жанындағы Республикалық терминология комиссиясымен мақұлданған терминдер termincom.kz сайтына салынады.

Тегтер: лингвистикалық сараптама, термин мәселесі
Авторы: Тіл Қазына

Сондай-ақ, оқи отырыңыз

113

ақпарат

РЕСПУБЛИКАЛЫҚ ОНЛАЙН СЕМИНАР ӨТЕДІ

104

ақпарат

ҚАЗАҚ ТІЛІН АНИМАЦИЯЛЫҚ ФИЛЬМДЕР АРҚЫЛЫ ҮЙРЕТУ НЕМЕСЕ ӘДІСТЕМЕЛІК КӨМЕК

258

ақпарат

ПЕРНЕТАҚТА ТАЛҚЫҒА ТҮСТІ