Естеріңізде болса, өткенде сіздер мен біздер бір-екі термин жөнінде ой бөліскен едік. Сөз "теория" мен "практика" деген сөздердің ана тіліміздегі баламасы туралы болған.

Жақында менің қолыма әл-Фарабитанушы ғалым Жақыпбек Алтаев ағамыз Әбу Насыр әл-Фарабидың "Музыка туралы үлкен кітап" деген еңбегінің қазақша аудармасын ұстатты.

Әл-Фараби бабамызды оқып отырсам, біздің ана тілімізде күнделікті қолданылып жүрген "назар" және амал" деген сөздер терминдердің түбірі санатында қолданылыпты. Ол кісі біз еуропаша айтудан жалықпайтын "теория" деген сөзді "назария", ал "практика" деген сөзді "амалия" деп қолданады. Біз қайтеміз? Тілімізге ғасырлар бойы сіңісті болып кеткен "назар" және "амал" деген сөздерімізден бас тартамыз ба? Әлде "әлемнің екінші ұстазы" атанған ұлы бабамызға жүгінеміз бе?