Сипаттама

Еліміздің бас қаласы Астана – ғылым мен білімнің ордасы, мәдениеттің ошағы, әрі егемен еліміздің қаржы орталығы ретінде қанат жайып келеді. Сондықтан Астанада өтіп жататын түрлі халықаралық жиындар мен ауқымды шараларға әлемнің әр түкпірінен шетелдік туристер, ғалымдар мен қаржыгерлер, спортшылар мен журналистер, басқа да түрлі сала мамандары үздіксіз келіп-кетіп жатады. Есілдің жағасында, Сарыарқаның кең даласында бой көтерген елордамыздың көркімен ерекше сәулеті де көз тартатындықтан оны көруге келетін туристер де мыңдап саналады.