Сипаттама

Назарларыңызға ұсынылып отырған бұл еңбекте республикамыздың әкімшілік-аумақтық бірліктеріндегі 19 мыңға жуық атауларды (елді мекен атаулары мен басқа да нысандарды) қамтып, олардың мемлекеттік қазақ тілі мен ресми орыс тіліндегі дұрыс жазылу нұсқаларын ұсынып отырмыз. Еліміздегі ономастиканың бүгінгі таңдағы қолдану аясы мен жұмсалу қызметінің арта түсуі, оның топонимия саласының мемлекеттік мекемелер мен акционерлік қоғамдар, ауыл шаруашылық саласы мен білім беру ісінде, ғылыми-зерттеу мекемелерінде, картографиялық, геодезиялық және әскери штабтар мен бұқаралық ақпарат құралдары және заң орындарында кеңінен пайдалануымен, әсіресе халықаралық мәнінің күшейіп, шетел мемлекеттерінде жиі қарым-қатынасқа түсуімен ерекше сипат алуда. Бұл анықтамалық – Республикамыздың елді мекен атауларын мемлекеттік қазақ тілінде, оның орысшасын ресми орыс тілінде көпшіліктің дұрыс жазуына арналған аса қажетті құрал.