Сипаттама

Шинҗаң Уйғур Автоном Районлуқ миллəтлəр тил-йезиқ хизмити комитети луғəт башқармиси, 2008-жили Шинҗаң хəлиқ нəшрияти билəн һəмкарлишип, 1999- жили нəшир қилинған “Уйғур тилиниң изаһлиқ луғити”ни толуқлап ишлəш хизмити Аблиз Яқуп, Ғəнизат Ғəюрани, Исмаил Қадир, Һəмдулла Абдурахман Имам, Пəрһат Нур, Аблиз Əмəт, Əсқəр Абдуқадир, Абдузаһир Таһир, Аблеким Реһимҗанлар арқилиқ əмəлгə ашурулған. Мəзкүр луғəттə жəмийəтниң барлиқ саһалирида пайдилинидиған, лексикилиқ байлиғимизни əкис əттүридиған сөзлəр Қазақстан уйғурлириниң тилиға маслаштуруп елинди. Сөзлəр луғəтниң əрəп тилида йезилған əсли нусхисидики алфавит тəртиви сақланған һалда, иккигə бөлүнүп берилди. Биринчи томға А, Ə, Б, П, Т, Җ, Ч, Х, Д һəриплири билəн башланған сөзлəр киргүзүлди. Луғəт кəң оқуғучилар аммисиға – уйғур тили вə əдəбияти мутəхəсислири, шаир-язғучилар, гезит вə нəшрият хадимлири, уйғур тилиниң тəтқиқатчилириға, докторант, магистрант, бакалавр студентларға, мəктəп муəллимлири, оқуғучилири вə уйғур тилиға қизиққучи барчə китапханларға беғишланған.