Сипаттама

Бұл электронды жинаққа Қарағанды облысы аумағында жүзеге асырылған «Тіл-қазына» әлеуметтік жобасы аясында «Баланың бал тілі қазақ тілінде дамысын» бағытында 2023 жылы 13 қыркүйекте ұйымдастырылған «Бүлдіршінге жыр арна» атты облыстық әдеби-шығармашылық байқауының іріктеу кезеңінен өтіп, жүлделі орындарға ие болған қаламгерлердің шығармалары енгізілді. Жинаққа осы байқауға қатысқан ақындардың балаларға арнап түрлі тақырыпта, атап айтсақ отан, туған жер, тәуелсіздік, туыстық атаулар, салт- дәстүр, ұлттық тағамдар, үй жануарлары, дене мүшелері, көкөністер мен жемістер, түрлі мерекелер, жыл мезгілдеріне қатысты ұйқасы жеңіл әрі баланың жаттауына ыңғайлы өлеңдері енгізілді. Жинақ материалдарын мектепке дейінгі ұйымдарда тәрбиелеу-білім беру процесінде қолдануға болады.