Құрметті оқырман, қуанышты жаңалық!
Сонымен қатар бірыңғай символикасы бар брендбук әзірленіп, жаппай қолдануға ұсынылуда. Қандайда болсын ұлт ұстазының мерейтойына арналаған шара өткізер болсаңыздар, ұсынылып отырған бренбукты толық қолдана аласыздар.
Логотип Ахмет Байтұрсынұлының портреті түрінде әзірленді. Портрет мерейтойлық жылдың ең негізгі символы рөлін атқарады. Мерейтой иесінің портреті жұртшылықтың қабылдауына оңай, пайдалануға ыңғайлы болуы үшін графикалық элементтерді орайлы пайдаланып, трафарет стилінде әзірленген. Логотипте Ахмет Байтұрсынұлының келбеті оның қайраткерлік, ұстаздық және ғалымдық бейнесі ашылған.
Сонымен қатар мерейтой иесінің логотиптік бейнесіне ойшылдық, жігерлілік және сабырлылық тән. Портреттің идеялық және көркемдік шешімдері өзара үйлесіп, оның тарихи тұлғасын толық көрсете алады. Портреттің сол жақ шетінде алтын түстес бояумен «150 жыл» деп жазылған. Оң жақ шетінде қауырсын қалам тәріздес ақ түсті графикалық сызық мерейтой иесінің қаламгерлік болмысын және оның қайраткерлік, ұстаздық жолын көрсетсе, төменгі жағындағы ою-өрнек ұлттық мазмұнды танытады. Одан төменірек «Ахмет БАЙТҰРСЫНҰЛЫ» деген жазу бар. Портреттің төменгі жағындағы толық композиция ашық кітаптың символы іспетті. Логотиптің қазақ, орыс тілдеріндегі нұсқалары бар.
Бренбуктың электронды нұсқасы сілтемеде:
5. Corel CMYK үш тілдегі нұсқасы
