Қазقاز        
Бізге хат жазыңыз
Бізге хат жазу

Байланыс

Мекенжайы:
Нұр-Сұлтан қаласы, Сауран көшесі, 7А
Телефон:
+7(7172) 40-83-67

+7(7172) 40-83-93
E-mail:
info@tilqazyna.kz

tilalemi.kz@gmail.com
Кіру 
Кіру тіркелу

Тәуелсіздік тұғыры - мемлекеттік тіл

Өз тілін өзі білмеген ел – ел болмайды

Халел Досмұхамедұлы

Сөзі жоғалған ұлттың өзі де жоғалады

Ахмет Байтұрсынұлы

Тіл – адам жанының тілмашы

Мағжан Жұмабаев

Тіл тазалығы үшін күрес - ешқашан толастамайтын мәңгілік күрес

Бауыржан Момышұлы

Ана тілін жақсы меңгере алмай тұрып, өзге пәндерді түсіну мүмкін емес

Жүсіпбек Аймауытұлы

Арнайы сериямен 24 кітап жарық көрді

27.12.2021 682
Л.Н.Гумилев атындағы Еуразия ұлттық университетінің «Отырар» кітапханасында «Абай академиясынан» жарыққа шыққан 24 кітаптың таныстырылымы өтті.

Мазмұнды іс-шарада алғаш­қы сөзді алған аталған жоғары оқу орнының ректоры, академик Ерлан Сыдықов Абай атамыздың асыл мұрасы мен өнегелі өмірі ­туралы парасатты ой қозғап, қа­зіргі Қазақстан қоғамын ақынның рухани ұстанымына сай дамыту аса маңызды екенін атап өтті.

− Мемлекет басшысының ті­ке­­лей тапсырмасымен ашыл­­ған «Абай академиясы» ғылы­­ми-зерттеу институтының не­гіз­гі қызметінің бірі – Абай мұ­ра­сымен қазақстандық қоғам­ды жаң­ғырту басымдықтары және ақын шығармашылығын бү­гінгі қоғамның дамуымен са­бақ­тастықта қарастыру, − дей келіп, ел Президентінің «Абай және ХХІ ғасырдағы Қазақстан» және «Абай – рухани реформатор» бағ­дарламалық мақалаларына сәйкес «Абай – мемлекет ісінің мүдделесі, жаңа қоғамның жанашыры», «Абай – ұлттық бол­мыстың үлгі­сі», «Абай – әлем­дік мәдениет тұл­ғасы» ба­ғыт­тары бойынша тал­дамалық, сауал­дамалық зерттеу­лер жүр­­гізіп, еліміздегі абайтану­мен айна­­­лысатын ғылыми-зерттеу орта­­л­ық­тарын академияның төңі­­ре­­гіне топтастыру, ғылыми тұр­­ғы­­­­дан үйлестіру екенін алға тартты.

Жалпы, жиында Абай акаде­миясының жыл ішінде атқар­­ған жұмыстары қорытындылан­­ды. Мәселен, биыл ұлы тұлғаның мұ­расын кеңінен насихаттау мақ­­­сатында академия Білім және ғылым ми­нис­трлігі Ғылым ко­ми­тетінің тап­сырысы негізінде «Абай Құ­нан­байұлының мұрасы қо­­ғам­дық-гуманитарлық ғылым­дар аспектісінде» және «Қазір­гі Қазақстан және Абай Құнан­бай­ұлы» атты екі кешенді жобаны іске асырған.

«Абай академиясы» ғылыми-зерттеу институтының директоры, ғалым Жандос Әубәкір жыл ішінде атқарылған жұмыстарға тоқталып өтті.

− Биыл институттың не­гізгі қызмет бағыттарын қазақстан­дық қоғамды жаңғырту ба­сымдық­тарымен қамту аясын­да «Абай мұрасы және қазақ­стандық қоғам­ның мәдени құн­дылықтары», «Абайдың шығар­машылық мұ­расы және қазақ тілінің ұлтара­лық қарым-қаты­нас тілі ретінде қалыптасу жолдары», «Абай дү­ние­танымы және қазір­гі қо­ғам­дағы діннің рөлі», «Абай шы­ғар­машылығы және қазіргі Қазақ­станның мәдениетаралық ын­тымақтастығы», «Абайдың қоғам­дық-саяси көзқарастары және «ха­лық үніне құлақ асатын мемлекет» тұжырымдамасы», «Абай мұрасы контекстінде қазақстан­дық патриотизмді қалып­тастыру», «Абай шы­ғар­машылығы және қазақ әдебие­тінің қалыптасуы», «Абайдың шығармашылық мұ­расының тарихи-этнографиялық кон­тексті», «Абай тілі және қазақ тіл білімінің өзекті мәселелері», «Абайдың экономикалық көз­қа­растары және қазақ халқының шаруашылық құрылымы», «Абай мұрасы және түркі әлемінің өрке­ниеттік негіздері» атты арнайы сериялармен 24 ғылыми-танымдық кітап әзірленді, − деді.

Сонымен аталған арнайы сериямен Е.Сыдықов, Ж.Дәде­баев, Ш.Ибраев, С.Негимов, Т.Жұрт­бай, Т.Шапай, Қ.Мәдібаева, С.Ана­­ньева, Ж.Аймұхамбет, А.Ке­­мел­бай, Г.Мұратова, А.До­­ға­лов, Ы.Палтөре, Б.Қор­ған­беков, М.Ал­пысбес, Қ.Бибе­ков, Е.Тіле­шов, С.Қорабай, А.Кең­шілікұлы, Қ.Бат­талов, Ә.Қайшатаева, А.Сма­ғұлова, А.Қалиева секілді бел­­гілі абай­танушылар бастаған ға­­лым­дар­дың, зерттеушілердің зер­делі еңбектері оқырманға жол тартып отыр. Сондай-ақ «Абай – әлемдік мәдениеттің тұлға­сы» шеңберінде алыс-жақын ше­телдегі және республикалық БАҚ-та Абай мұ­расы қоғамдық-гуманитарлық ба­ғытта жаңа­ша пайымдалған та­нымдық мақа­ла­лар жарияланған.

Айта кетейік, биыл институт­тың негізгі қызметі «Абай мұрасы – түркі әлемінің мәдени капиталы» атты бағытымен толығып, со­­ның аясында хакім атамыздың жал­­пыадамзаттық мәселелерді кө­­терген шығармаларын 23 түркі тілі­не аудару жұмыстары жүзеге асып, ақын шығармаларының түр­кі тіліндегі аудармасы «Абай мұ­расы және түркі әлемінің өрке­ниет­тік негіздері» атты сериямен екі томдық жинақ жарыққа шыққан.

Тегтер:
Авторы: Egemen.kz.

Сондай-ақ, оқи отырыңыз

57

ақпарат

ТАР ТАЛАСЫП ТОЗАР, КЕҢ КЕҢЕСІП ОЗАР

84

ақпарат

ЕЛОРДАДА «ОЙ КӨКПАР» ЗИЯТКЕРЛІК САЙЫСЫ ӨТТІ

155

ақпарат

БАЙҚАУ МӘРЕГЕ ТАЯУ ҚАЛДЫ