Қазақстан Республикасы Үкіметі жанындағы қазақ тілі әліпбиін
латын графикасына көшіру жөніндегі ұлттық комиссияның
Орфографиялық жұмыс тобы
Ахмет Байтұрсынұлы атындағы Тіл білімі институтының бас ғылыми қызметкері, филология ғылымдарының докторы, профессор
1970 жылы Шығыс Қазақстан облысы, Зайсан ауданы, Қарабұлақ ауылында туған. Қазіргі Әл-Фараби атындағы Қазақ ұлттық университетін «Қазақ тілі мен әдебиеті» мамандығы бойынша үздік дипломмен 1992 жылы бітірген. 1992-1995 жылдары Ақтөбе облысы, Айшуақ орта мектебінде қазақ тілі пәнінің мұғалімі. 1995 жылдан А.Байтұрсынұлы атындағы Тіл білімі институтында ғылыми қызметкер, бас ғылыми қызметкер.
2000 жылы «Бірге, бөлек жазылатын сөздердің орфограммасы және оларды кодификациялаудың негіздері» тақырыбында кандидаттық, 2006 жылы «Қазақ жазуының онтогенездік дамуы» тақырыбында докторлық диссертация қорғаған.
Зерттеу бағыттары: жазба тіл, жазу теориясы, орфография және орфоэпия, тіл мәдениеті, стилистика.
3 монографияның, 100-ден астам ғылыми және ғылыми-көпшілік мақаланың авторы.
2008 жылы «Қазақстан Республикасы ғылымын дамытуға сіңірген еңбегі үшін» төсбелгісінің, 2015 жылы «Үздік оқытушы» атағының иегері.
