Қазقاز        
Бізге хат жазыңыз
Бізге хат жазу

Байланыс

Мекенжайы:
Нұр-Сұлтан қаласы, Сауран көшесі, 7А
Телефон:
+7(7172) 40-83-67

+7(7172) 40-83-93
E-mail:
info@tilqazyna.kz

tilalemi.kz@gmail.com
Кіру 
Кіру тіркелу

Тәуелсіздік тұғыры - мемлекеттік тіл

Өз тілін өзі білмеген ел – ел болмайды

Халел Досмұхамедұлы

Сөзі жоғалған ұлттың өзі де жоғалады

Ахмет Байтұрсынұлы

Тіл – адам жанының тілмашы

Мағжан Жұмабаев

Тіл тазалығы үшін күрес - ешқашан толастамайтын мәңгілік күрес

Бауыржан Момышұлы

Ана тілін жақсы меңгере алмай тұрып, өзге пәндерді түсіну мүмкін емес

Жүсіпбек Аймауытұлы

Петропавл қаласында «Тіл – татулық тірегі» этнос жастарының республикалық форумы өтті

13.05.2016 2049
Қазақстан Республикасы Мәдениет және спорт министрлігі Тілдерді дамыту және қоғамдық-саяси жұмыс комитеті Қазақстан Республикасы Тәуелсіздігінің 25 жылдығына орай 2016 жылғы 13 мамырда Петропавл қаласында «Тіл – татулық тірегі» этнос жастарының республикалық форумын өткізді

Форум аясында салтанатты жиын, дөңгелек үстел және акция ұйымдастырылды.

Форумға Қазақстан халқы Ассамблеясы мен Мәдениет және спорт министрлігінің өкілдері, өңір басшылары, республиканың барлық өңірлерінен мемлекеттік және бюджеттік мекемелерде қызмет істейтін мемлекеттік тілді меңгерген этнос жастары, «Жас Отан» ЖҚ мүшелері, студенттер мен БАҚ өкілдері қатысты.

Форумның нәтижесінде қатысушылар еліміздің жастарына үндеу жариялады.

«Тіл – татулық тірегі» этнос жастары республикалық
форумына қатысушылардың еліміздің жастарына
ҮНДЕУІ

Біз, Ел тәуелсіздігінің 25 жылдығы аясында өткізіліп отырған «Тіл – татулық тірегі» республикалық форумына қатысушылар, тәуелсіз еліміздің патриоттары ретінде Қазақстан халқының бірлігін нығайтуға үлес қоса отырып, республика жастарына үндеу жариялаймыз.

Біз, қоғамның негізі болып табылатын қазақ тілі мен мәдениетін дамытуға бағытталған Елбасының салиқалы саясатын қолдаймыз.

Біз, Елбасының «100 нақты қадам: баршаға арналған қазіргі заманғы мемлекет» ұлт жоспарын іске асыруға атсалысамыз.

Ұлт жоспары – еліміздің гүлденуі, жарқын болашаққа бастар жол екенін ескеріп, қазақстандық жастарды осы істің ұйытқысы болуға шақырамыз.

Қуатты мемлекеттің тұрақтылығы мен татулығына негізделген, Ел бірлігінің басты факторы ретінде мемлекеттік тілдің мәртебесін арттырып, мерейін өсіру әр қазақстандықтың азаматтық борышы деп санаймыз.

Біз – тәуелсіз Қазақстанның бәсекеге қабілетті жастары бейбітшілік пен татулығы жарасқан елімізде Елбасының «Тілдердің үштұғырлығы» саясатын қолдай отырып:

– қазақ тілін мемлекеттік тіл;

– орыс тілін ұлтаралық қатынас тілі;

– ағылшын тілін жаһандық экономикаға ойдағыдай кірігу тілі ретінде дамытатын боламыз.

Сондай-ақ:

– мемлекеттік тілді құрметтеуге, оны үйренуге;

– мемлекеттік тілдің қолданыс аясын арттыруға;

– мемлекеттік тілді барлық салада белсенді пайдалана отырып, дамытуға;

– мемлекеттік тілді Мәңгілік Еліміздің Мәңгілік тіліне айналдыру жолында бар күш-жігерімізді біріктіруге шақырамыз!

Мемлекеттік тіл – жаһандану үрдісінде өз қолтаңбасын айшықтай отырып, рухани келісімнің нығаюы мен ел тыныштығының мызғымас кепіліне айнала берсін!

Тегтер: тіл, міндет, ұлт, татулық
Авторы: tilalemi.kz

Сондай-ақ, оқи отырыңыз

279 Ақпарат

АБЫЗ АҚСАҚАЛМЕН КЕЗДЕСТІ

148 Ақпарат

АХМЕТ БАЙТҰРСЫНҰЛЫ ЖӘНЕ ЗЕЙНОЛЛА ҚАБДОЛОВ

539 Ақпарат

АСТАНАДАҒЫ ТҰСАУКЕСЕР ЕРЕКШЕ ЕСТЕ ҚАЛДЫ