АНА ТІЛІМІЗ ӘСКЕРИ САЛАДА
2023 жылғы 25 мамырда Ақтөбе облыстық тілдерді дамыту басқармасы Тілдерді оқыту орталығының жас оқытушылары Қазақстан Республикасы Ұлттық ұланы «Батыс» ӨңҚ әскери бөлімдері ТжӘҚЖ бөлімшелері бастықтарының мемлекеттік тілді енгізу жөніндегі аға көмекшілері және бөлініс бастығы (кабинет бастығы) арасында өтетін «Үздік маман» сайысы аясында семинар ұйымдастырды.
Мемлекеттік тілдің Қарулы Күштердегі қолданыс аясын кеңейту мәселесі қай кезде де өзекті.
Бұл ретте әскерде жергілікті жерде өз міндетін адал орындап, ат салысып жүрген барлық тіл мамандарының көп жылғы еңбектерін атап өткен жөн. «Үздік маман» сайысы сол еңбекті бағалауды, өзара тәжірибе алмасуды көздейді.
Бас қосу барысында жас мамандар мемлекеттік тілді оқытудағы іс-тәжірибесімен бөлісті. Қатысушылар үшін, әсіресе, түрлі тіл үйрету ресурстары мен осы бағыттағы тиімді әдіс-тәсілдер қызықты болды.
Жас ұстаздар Бердібек Талғатұлы Қожықов пен Гүлфайруз Асанқызы Уйдан Батыс өңірлік қолбасшылығының қолбасшысы, генерал-майор А.Жұмағалиевтің Алғыс хатымен марапатталды.
