ҒЫЛЫМИ КЕҢЕС БАС ҚОСТЫ

Отырысты Орталықтың Бас директоры, Ғылыми кеңестің төрағасы Ербол Тілешов кіріспе сөз сөйлеп ашты.

Жыл басынан бері тілді оқытуға және насихаттауға қатысты халықаралық, республикалық деңгейде бірқатар шаралар өтті. Соның ішінде шоқтығы биігі – Ахмет Байтұрсынұлының 150 жылдығы аясында және Ғылым күні мерекесіне орай ұйымдастырылған «Қазақ тіл білімі мен әдебиеттану ғылымы: қазіргі жай-күйі, болашағы» тақырыбындағы ойталқы. Бұл іс-шара барысында қазақ тілі мен әдебиеті ғылымының дамуының қазіргі күйін түрлі көзқарас тұрғысынан сарапталып, сыни тұрғыдан бағаланып, болашақ дамуының негізгі бағдарын айқындалды. Сонымен қатар, А.Байтұрсынұлының 150 жылдығы аясындағы Орталықтың ісшаралар жоспарына сай жыл бойы түрлі маңызды шаралар өткізілгелі отыр.

ІТ жобаларды Министрліктер деңгейінде таныстыру жүріп жатыр.

Қазақ тілін оқытудың сапасын арттыруға бағытталған түрлі ғылыми-тәжірибелік семинар-кеңестер өткізілуде.

Орталық басқарма басшылары мен маман ғалымдардан құрылған кеңес мүшелері алдағы уақытта жүзеге асырылатын ғылыми-зерттеу жұмыстарына терең талдау жасап, тиісті шешімдер қабылдады.