Тәуелсіздік тұғыры - мемлекеттік тіл

Өз тілін өзі білмеген ел – ел болмайды

Халел Досмұхамедұлы

Сөзі жоғалған ұлттың өзі де жоғалады

Ахмет Байтұрсынұлы

Тіл – адам жанының тілмашы

Мағжан Жұмабаев

Тіл тазалығы үшін күрес - ешқашан толастамайтын мәңгілік күрес

Бауыржан Момышұлы

Ана тілін жақсы меңгере алмай тұрып, өзге пәндерді түсіну мүмкін емес

Жүсіпбек Аймауытұлы

Әсерлі «Әдебиет курстары»

26.10.2021 157
Тәуелсіздіктің 30 жылдығына орай Мәдениет және спорт министрлігінің мұрындық болуымен «Қазақстан жастарының конвенті» ұйымы жас ақын-жазушыларды қолдау мақсатында әдебиет курстарын өткізуде.

Ұйымдастырушылар­дың ай­­туын­ша, «Әдебиет курстары» жо­­басы қазақ хал­қының ғасыр­лар қой­науынан ұрпаққа жет­­­кен рухани және мәдени мұра­­сын, сөз өнерiнiң асыл қазына­­­сын жастарға жеткізуді көздей­ді. Елі­міздегі жас әдебиет­шілер­дің сапалы білім алуына жағ­дай жа­сауға, жас дарындардың ақын­дық ше­бер­­лігін шыңдауға жәрдемдеспек.

Аталған жоба аясында аға буын әде­биетшілер 35 жасқа де­йінгі ақын-жазу­шыларға онлайн-форматта бір айлық тегін курс өткізуде. Қазанның 7-сі мен 30-ы ара­лығында, күніне 4 са­ғат есімі елге бел­гілі әдебиет майталмандары жастарға лек­­ция оқиды. Атап айтсақ, Мем­лекеттік сыйлық­тың лауреаты, ақын Несіпбек Айтұлы, фило­логия ғылымдарының докто­ры, алаштану­шы Тұрсын Жұртбай, Мемлекеттік сый­лық­тың лауреаты, жазушы-драматург Роза Мұқа­нова, филология ғылымдарының кандидаты, айтыскер-ақын Серікзат Дүйсенғазы, халық­аралық «Алаш» әдеби сыйлы­ғы­ның лау­реаты, ақын Дәулет­керей Кәпұлы, фило­­логия ғы­лымдарының докторы, ақын Жа­нат Әс­кербекқызы, сыншы Аман­гелді Кеңші­лік­ұлы, жазушы Қуаныш Жиенбай, ақын Ұлар­бек Нұрғалым бастаған басқа да зиялы қауым өкілдері жобаны кеңінен жүзеге асыруда.

«Қазіргі жастардың ынта­сы өте жоғары. Оларға ба­ғыт-бағдар беріп, пікірталас ұйым­­дастырдық. Жас әдебиет­ші­­лер­дің сұрағы көп болды. Бар­­лық сұрақтарына өзім­нің зерт­­теулерім шеңберінде, жаз­­ған кітаптарым бойынша жауап бер­дім. Айтыс пен қа­ра өлең­нің тегі бір. Оның айыр­­­­ма­сын, поэзияның ерек­шелік­терін, айтыс­тың ерек­ше­ліктерін айта отырып, олар­дың мәтін­деріне талдау жа­са­дық. Бұл ретте курстардың пайдасы зор. Әсіресе жастар­дың шығар­машылық деңгейін кө­тереді», дейді Серікзат Дүй­сенғазы.

Биыл тұңғыш рет қолға алын­­­ған «Әде­биет курстары» жобасы бұдан әрі дәстүрлі түрде өткізіледі. Бұл мемлекеттің әде­биет саласына, соның ішінде темірқанат қаламгерлерге деген үлкен қамқорлығы болмақ.

«Әдебиет курстарын бір айға жуық бол­ды, күн үзбей тың­­­­­дап келемін. Бұл менің бі­лі­мім­ді жетілдіріп, әдебиетке де­­ген қы­зығушылығымды арт­тыр­ды. Ғалым, ақын, драма­т­ург, этнографтардан түр­лі ба­­ғытта дәріс тыңдап, ой-өрі­сіміз кеңейе түсті. Бұл он­лайн дәрісті алыс аймақтағы жас әде­биетшілерге деген қам­қорлық деп білемін. Осыны ұйым­­дастырушы аза­мат­тарға алғыс айтамын. Алда осындай ша­ралар молынан болса деп тілеймін», дейді дәріс алу­шы Қабиден Қуанышбай.




Тегтер:
Авторы: egemen.kz

Сондай-ақ, оқи отырыңыз

132

ақпарат

Туризмді қазақша сөйлетті

250

ақпарат

«Мемлекеттік тіл және БАҚ» байқауының жүлдегерлері анықталды

281

ақпарат

1 млн теңге кімге бұйырады?