Тәуелсіздік тұғыры - мемлекеттік тіл

Өз тілін өзі білмеген ел – ел болмайды

Халел Досмұхамедұлы

Сөзі жоғалған ұлттың өзі де жоғалады

Ахмет Байтұрсынұлы

Тіл – адам жанының тілмашы

Мағжан Жұмабаев

Тіл тазалығы үшін күрес - ешқашан толастамайтын мәңгілік күрес

Бауыржан Момышұлы

Ана тілін жақсы меңгере алмай тұрып, өзге пәндерді түсіну мүмкін емес

Жүсіпбек Аймауытұлы

«ҚАЗАҚ ТІЛІН ҮЙРЕТУДІҢ АВТОРЛЫҚ ӘДІСТЕМЕСІ»

31.5.2021 232
Қазақстан Республикасы Білім және ғылым министрлігі Тіл саясаты комитеті Шайсұлтан Шаяхметов атындағы «Тіл-Қазына» ұлттық ғылыми-практикалық орталығы 2021 жылдың 2 маусымында «Қазақ тілін үйретудің авторлық әдістемесі» тақырыбы аясында онлайн режімде семинар ұйымдастырады.

Іс-шараның мақсаты – тілді үйрету әдістемесі бойынша тәжірибе жинақтау мақсатында оқытушылар мен әдіскерлерге авторлық әдістемелерді әзірлеу және қалыптастыру жайлы білім беру, үздік әдістемелік идеяларды ортаға салу, әдістемені жетілдіру.

Семинарда жаңашыл педагогтардыңнәтижеге бағытталған жеке авторлық әдістемелері және үздік әдіс-тәсілдері республикалық тілдерді оқыту орталықтары мен білім беру саласының тіл мамандарына таныстырылады.Сондай-ақ осы семинар аясында авторлық әдістемелерді қалыптастыру жолдары, олардың ерекшелігі, тиімділігі, тәжірибеге енгізу механизмдері жайлы пікірлер ортаға салынады.

Онлайн іс-шарада Ы.Алтынсарин атындағы Ұлттық білім академиясының бас ғылыми қызметкері,педагогика ғылымдарының докторы, профессор Жауынбай Амантұрлыұлы Қараев, «Білім беру технопаркі» ғылыми енгізу орталығының директоры, «Биоақпарат және синергетика» педагогикалық технологиясының авторы, педагогика ғылымдарының кандидаты, профессор Федор Яковлевич Вассерман, қазақ тілі пәнінің оқытушысы Гүлмира Амандықова Әбілмәжінқызы және лингвист Николай Замяткиннің шәкірті, матрицалық әдістің продюсері Ярослава ВадимовнаНауменко авторлық әдістемелері және оқытудың тиімді әдіс-тәсілдерімен бөліседі.

Семинарға республикалық Тілдерді дамыту басқармасының мамандары, облыстық, қалалық, аудандық тілдерді оқыту орталықтарының директорлары, оқытушылары мен әдіскерлері қатысады.

Онлайн іс-шара Ш.Шаяхметов атындағы «Тіл-Қазына» ұлттық ғылыми-практикалық орталығының фейсбук, инстаграм желісіндегіпарақшаларындакөрсетіледі.

Іс-шараның соңында семинардың өтуіне белсенді атсалысқан баяндамашылар алғысхаттармен марапатталады және қатысушыларына сертификаттар табысталады. Семинар баяндамалары жинақ түрінде жарыққа шығарылады.

Тегтер: республикалық семинар баспасөз парағы
Авторы: Тіл Қазына

Сондай-ақ, оқи отырыңыз

123

ақпарат

«ҚАЗАҚ ТІЛІНІҢ АРҚАСЫНДА КӨТЕРІЛДІМ»

109

ақпарат

ҚАЗАҚША СӨЙЛЕП ЖҮРСІЗ БЕ?

306

ақпарат

«МЕН ҚАЗАҚША СӨЙЛЕЙМІН» РЕСПУБЛИКАЛЫҚ АКЦИЯСЫНЫҢ АЛҒАШҚЫ ЖЕҢІМПАЗДАРЫ БЕЛГІЛІ БОЛДЫ