Тәуелсіздік тұғыры - мемлекеттік тіл

Өз тілін өзі білмеген ел – ел болмайды

Халел Досмұхамедұлы

Сөзі жоғалған ұлттың өзі де жоғалады

Ахмет Байтұрсынұлы

Тіл – адам жанының тілмашы

Мағжан Жұмабаев

Тіл тазалығы үшін күрес - ешқашан толастамайтын мәңгілік күрес

Бауыржан Момышұлы

Ана тілін жақсы меңгере алмай тұрып, өзге пәндерді түсіну мүмкін емес

Жүсіпбек Аймауытұлы

СҰҚБАТ АЛАҢЫНДА – «ӘЛЕМ ТІЛДЕРІ ӘЛІПБИІНДЕГІ ДИАКРИТИКАЛЫҚ ТАҢБАЛАР»

20.10.2020 346
Қазақстан Республикасы Мәдениет және спорт министрлігі Тіл саясаты комитеті Ш.Шаяхметов атындағы «Тіл-Қазына» ұлттық ғылыми-практикалық орталығы 2020 жылғы 21 қазанда «Әлем тілдері әліпбиіндегі диакритикалық таңбалар» тақырыбында онлайн режимде сұхбат алаңын ұйымдастырады.

Шараның басты мақсаты – әлем тілдері әліпбиіндегі диакритикалық таңбалардың артықшылықтары мен кемшіліктерін талқылау, оларды әдістемелік тұрғыдан меңгертудің тиімді әдістерін ортаға салу, ІТ технологияларға сәйкестігін анықтау.

Бұл халықаралық басқосудың өзектілігі әліпби түзу барысындағы диакритикалық таңбаларды қолданудың артықшылықтары мен кемшіліктерін әлемдік тәжірибеге сүйене отырып нақтылауда болмақ.

Онлайн сұхбат алаңына Түркия мемлекетіндегі Памуккале университеті, Түркі тілдері мен әдебиеттері бөлімінің меңгерушісі, профессор, доктор Нергис Бирай, Әзербайжан Ұлттық Ғылым академиясы, И.Насими атындағы Тіл білім институтының түркі тілдері бөлімінің директоры, доктор Елчин Ибрахимов, Өзбек әлем тілдері мемлекеттік университетінің профессоры, филология ғылымдарының докторы Маханбет Джусупов, Алматы қаласындағы Абай атындағы Қазақ ұлттық педагогикалық университетінің профессоры, филология ғылымдарының докторы Оразбаева Фаузия Шәмcиқызы, Түркия Республикасы Анкара қаласындағы Башкент университетінің профессоры, доктор Суер Екер, Түркиядағы Хити университетінің Ғылым және Әдебиет факультеті деканының орынбасары, түрік тілі мен әдебиеті кафедрасының оқытушысы, доктор Иса Сары, Түркия Республикасы Анкара университетінің профессоры, доктор Гулзура Жумакунова, Қарақалпақстан Республикасы, Әжнияз атындағы Нөкіс мемлекеттік педагогикалық институтының доценті, филология ғылымдарының докторы Алима Пирниязова, А.Байтұрсынұлы атындағы Тіл білімі институты Қолданбалы лингвистика бөлімінің инженер-программисі Дархан Тоқмырзаев қатысады деп күтілуде.

Диакритикаға байланысты мұндай жүздесу алғаш рет осындай ерекше форматта ұйымдастырылып отыр. Шараның ғылыми мазмұны сұқбаттасу барысында жан-жақты ашылады. Талқылауда латын әліпбиіне өткен түркі тілдес елдердің ғалымдарымен бірге латын әрпін пернетақтаға орналастыру, латын әліпбиін үйрету әдістемесі, диакритикалық таңбалардың қолданысы бойынша маманданған шетелдік әріптестер пікір алысады.

Журналистер үшін төмендегі сілтеме бойынша тікелей байланыс жұмыс жасайды: https://us02web.zoom.us/j/8440048081

Идентификатор нөмері: 844 004 8081 (Қажет болған жағдайда)

Өтетін уақыты: 2020 жылғы 21 қазан.

Басталуы: 10-00 сағат.

Өтетін орны: Нұр-Сұлтан қаласы,

«Тіл-қазына» ұлттық ғылыми-практикалық орталығының ғимараты,

Сауран 7/

Тегтер: халықаралық сұқбат алаңы, диакритикалық таңбалар
Авторы: "Тіл әлемі" ақпарат

Сондай-ақ, оқи отырыңыз

97

ақпарат

РЕСПУБЛИКАЛЫҚ ОНЛАЙН СЕМИНАР ӨТЕДІ

78

ақпарат

ҚАЗАҚ ТІЛІН АНИМАЦИЯЛЫҚ ФИЛЬМДЕР АРҚЫЛЫ ҮЙРЕТУ НЕМЕСЕ ӘДІСТЕМЕЛІК КӨМЕК

238

ақпарат

ПЕРНЕТАҚТА ТАЛҚЫҒА ТҮСТІ