Тәуелсіздік тұғыры - мемлекеттік тіл

Өз тілін өзі білмеген ел – ел болмайды

Халел Досмұхамедұлы

Сөзі жоғалған ұлттың өзі де жоғалады

Ахмет Байтұрсынұлы

Тіл – адам жанының тілмашы

Мағжан Жұмабаев

Тіл тазалығы үшін күрес - ешқашан толастамайтын мәңгілік күрес

Бауыржан Момышұлы

Ана тілін жақсы меңгере алмай тұрып, өзге пәндерді түсіну мүмкін емес

Жүсіпбек Аймауытұлы

​«Қазақы терминдерді халық жасайды» байқауының жеңімпаздары марапатталды

21.4.2020 735
Бүгін «Қазақы терминдерді халық жасайды» республикалық байқауының жеңімпаздары марапатталды.

Қазақстан Республикасы Мәдениет және спорт министрлігі Тіл саясаты комитетінің тапсырмасымен «Тіл-Қазына» ұлттық ғылыми-практикалық орталығы 2020 жылдың 1-18 сәуір аралығында «Қазақы терминді халық жасайды» республикалық байқауын өткізді.

Қазақстан Республикасындағы тіл саясатын іске асырудың 2020-2025 жылдарға арналған мемлекеттік бағдарламасын іске асыру, қазақ тіліндегі терминдердің үлес салмағын арттыруға үлес қосу мақсатында ұйымдастырылған байқауға 14 талапкер қатысты.

Байқауға қатысушылар бірінші кезеңде (1-5 сәуір аралығы) өздері жасаған 5-10 терминді ұсынды. Сайтта, әлеуметтік желіде көпшіліктің дауыс беруі және қазылар алқасының шешімімен 5 байқау қатысушысы келесі кезеңге өтті. Екінші айналымда (7-12 сәуір аралығы) қатысушыларға 10 шеттілдік терминнің қазақ тіліндегі сәтті аудармасын жасау тапсырылды. Бұл кезең қорытындысы бойынша 3 үміткер атқық кезеңге жолдама алды. Үшінші кезеңде (13-18 сәуір аралығы) қатысушылар мәтін ішіндегі шеттілдік салалық терминдердің қазақша баламасын жасады.

Байқау шартына сай қазылар шешімімен 362 ұпай жинаған Ақылбек Шаяхмет ІІІ орынды иемденді. Ал ІІ орынды 367 ұпаймен Нұрлан Шүленбаев еншілесе, І орынға 370 ұпай алған Серік Ерғали лайық танылды.

Онлайн марапаттау рәсіміне ҚР Мәдениет және спорт вице-министрі Н.Дәуешов қатысып, жеңімпаздарға құттықтауын жеткізді.

- Еліміздегі төтенше жағдайға байланысты онлайн ұйымдастырылған бұл шара да оң нәтижесін көрсетті. Байқау қатысушылары термин сөздердің мағынасына үңіліп, ұтымды ұлттық атаулар ұсына білді. Талапкерлердің термин табиғатын түсініп, сөзжасам, терминжасам тәсілдерін дұрыс пайдаланғандықтарын мамандар жақсы бағалауда. Сондықтан осындай білім мен біліктілікті қажет ететін байқауға қатысып, үздік нәтижеге жеткен жеңімпаздарды құттықтаймын. Алдағы уақытта да ұлттық терминқордың дамуына үлестеріңізді қосатындықтарыңызға сенімдімін, - деді ол.

Шара барысында байқаудың екінші кезеңінде белсенділік танытқан талапкерлерге де министрдің арнайы алғысхаты табысталды.

Тегтер:
Авторы: "Тіл әлемі" ақпарат

Сондай-ақ, оқи отырыңыз

72

ақпарат

АБАЙ ДАНА, АБАЙ ДАРА ҚАЗАҚТА

66

ақпарат

ТЕРМИН ӨЗГЕРТУГЕ ТҮРТКІ БОЛЫҢЫЗ

120

ақпарат

ҮЗІК ОЙЛАР, ҮМІТ ОЙЛАР