Тәуелсіздік тұғыры - мемлекеттік тіл

Өз тілін өзі білмеген ел – ел болмайды

Халел Досмұхамедұлы

Сөзі жоғалған ұлттың өзі де жоғалады

Ахмет Байтұрсынұлы

Тіл – адам жанының тілмашы

Мағжан Жұмабаев

Тіл тазалығы үшін күрес - ешқашан толастамайтын мәңгілік күрес

Бауыржан Момышұлы

Ана тілін жақсы меңгере алмай тұрып, өзге пәндерді түсіну мүмкін емес

Жүсіпбек Аймауытұлы

Қазақ тілін үйретуге арналған tilqural.kz порталы таныстырылды

17.4.2020 284
Қазақстан Республикасы Мәдениет және спорт министрлігінің #ONLAIN-da bol жобасы аясында ұйымдастырылған «Мемлекеттік тілді жетілдіру» онлайн курсының бүгінгі саны Tilqural.kz сайтын таныстыруға арналды.

Онлайн курс Facebook әлеметтік желісінің ONLINE-da bol парақшасында сағат 11:00-12:00 аралығында тікелей эфирде өтті.

Курсқа тілдерді дамыту басқармаларының басшылары, тілдерді оқыту орталықтарының директорлары, әдіскерлер, оқытушылар мен әуесқой тіл үйретуші мамандар қатысты.

Онлайн дәріс барысында қазақ тілін үйренуге ынталы азаматтарға қазақ тілін оқытуда машиналық оқыту немесе жасанды интеллект технологиясы арқылы тілді үйретуге арналған жаңа порталды пайдалану жолдары түсіндірілді.

Tilqural.kz порталы - бірегей жүйе қалыптастыру тетігі, қазақ тілін үйренуге бағытталған тиімді технологиялар жиынтығы.

Тіл үйренуші tilqural.kz порталына тіркелу арқылы қазақ тілін өз бетінше А1, А2, В1 деңгейінде үйренуге мүмкіндік алады. Қарапайым деңгейде 24 сабақты тыңдап, тапсырмаларын орындаса, базалық деңгей 14 сағаттық дәріске лайықталған. Орта деңгейді игеру үшін де бар-жоғы 14 сабақты меңгеру жеткілікті. Тіл үйрету техникасы оқу, көру, есту дағдыларына сай жасалған. Тапсырмаларда берілген бейне, аудио, видеолар тіл үйренушінің қызығушылығын арттырып, ынтасын жоғарылатады. Себебі порталда түрлі тақырыпқа сай қызықты ақпараттар мен тапсырылмалар топтастырылған. Сонымен қатар Tilqural.kz порталы тіл үйренушілермен қатар оқытушыларға да көмекші құрал қызметін атқарады. «Оқулықтар» бөлімінде тіл үйретуге арналған түрлі деңгейдегі әдістемеліктер берілген.

- Tilqural.kz порталына ағымдағы жылы В2, С1 деңгейлері қосылады. Видео тапсырмалар әзірленіп, «мәтіндер», «фразалар» бөлімдерімен толықтырылатын болады,- дейді курс жүргізушісі, «Тіл-Қазына» ұлттық ғылыми-практикалық орталығының Ақпараттық технологиялар басқармасының басшысы М.Бақытқызы.

Курс соңында тыңдаушылар портал құрылымы, тапсырмалар мен үйрету технологиясына жақсы баға беріп, жетілдіруге бағытталған ұсыныс-пікірлерін білдірді. Сонымен бірге аймақтардағы оқу орталықтары осындай әдістемелік көмекші құралдар әзірлеуге көмектесуді сұрады. «Тіл-Қазына» орталығы мүмкіндігінше қолдау көрсетіп, қажетті ақпараттармен бөлісетіндіктерін жеткізді.

Айт кетейік, «Tilqural.kz» порталдың кирилл және латын нұсқасындағы мобильді қосымшалары іске қосылған. Яғни портал кез келген жерде қазақ тілін кедергісіз үйренуге мүмкіндік жасайды.

Тегтер: https://tilqural.kz/, тіл үйрену, онлайн курс
Авторы: "Тіл әлемі" ақпарат

Сондай-ақ, оқи отырыңыз

438

ақпарат

Клавиатура – "тілтақта" немесе "пернетақта", терминдерді ұлт тіліне икемдеген дұрыс па?

90

ақпарат

Ақтөбе облысында онлайн курс өтеді

54

ақпарат

Батыс Қазақстан облысында онлайн оқыту курсы өтеді