Тәуелсіздік тұғыры - мемлекеттік тіл

Өз тілін өзі білмеген ел – ел болмайды

Халел Досмұхамедұлы

Сөзі жоғалған ұлттың өзі де жоғалады

Ахмет Байтұрсынұлы

Тіл – адам жанының тілмашы

Мағжан Жұмабаев

Тіл тазалығы үшін күрес - ешқашан толастамайтын мәңгілік күрес

Бауыржан Момышұлы

Ана тілін жақсы меңгере алмай тұрып, өзге пәндерді түсіну мүмкін емес

Жүсіпбек Аймауытұлы

Ербол Тілешов: Абайды философ, ұлы ойшыл деңгейінде тануымыз керек

10.1.2020 533
Бұл туралы Шайсұлтан Шаяхметов атындағы «Тіл-Қазына» ұлттық ғылыми-практикалық орталығының атқарушы директоры Ербол Тілешов Президент Қасым-Жомарт Тоқаевтың «Абай және ХХІ ғасырдағы Қазақстан» мақаласына қатысты пікірінде айтты.

«Абайдың биігі, Абайдың тағылымы бізге рухани азық. Осы тұрғыдан алғанда Президент өз мақаласында бірнеше мәселені көтерді. Мен өзіме үш мәселені түртіп алдым. Біріншісі – Абайды тану, игеру, екіншісі – Абай идеяларының бүгінгі күнде өзектілігі және соңғысы – Абайды жалпыадамзатқа ортақ тұлға ретінде таныту және қабылдау. Мақалада бұдан өзге тіл, мәдениет, еңбек мәселелері де айтылған. Ең басты міндетіміз – Абай арқылы біздің ұлттық болмысымызды, озық қасиеттерімізді ұштау. Ол үшін жоғарыда айтқан Абайды тану мәселесін қолға алуымыз керек. Бұл жерде Абайды ағартушылық емес, философ, ұлы ойшыл деңгейінде тануымыз керек. Абай XIX ғасырдың ұланы болғанымен, ол жалпыадамзаттық мәселелерді айтты. Одан бері қоғам өзгерді, қоғамдық қатынас өзгерді, бірақ адамның пейілі, ниеті, махаббаты, ұмтылысы, өзгерген жоқ. Осы тұрғыдан қарасақ, Абайдың айтқан ойлары әлі де өзекті әрі маңызды. Адамдық қарым-қатынас, қасиет, ақыл мен жүрек тәрбиесі секілді ойлары бүгінгі күнге қатысты екені де мақалада көрсетілген. Ел болып экономикалық, дипломатиялық, саяси жағынан әлемге танылып жатырмыз, бірақ бұл ел болу емес. Ел болу – Абай секілді ұлың, азаматың мен тұлғаң болу. Абай – біздің болмысымыз, қазақтың ақылының жеткен жері. Абайдың образында қазақтың мәселесі, қазақтың ойы, қазақтың тағылымы бар. Осыны әлемдік деңгейде таныту мәселесі – Президент мақаласының басты арқауы», - деді Ербол Тілешов.

Тегтер: Абай, Абай 175 жыл, Ербол Тілешов, абайтану
Авторы: "Егемен Қазақстан" газеті

Сондай-ақ, оқи отырыңыз

39

ақпарат

ҚАШЫҚТАН ОҚЫТУ ШАРАСЫ БАСТАЛДЫ

96

ақпарат

ҚАЗАҚСТАНДА 13 ШІЛДЕ ҰЛТТЫҚ АЗА ТҰТУ КҮНІ БОЛЫП ЖАРИЯЛАНДЫ

130

ақпарат

«ҚАШЫҚТАН ОҚЫП, ТІЛ ҮЙРЕН!» АКЦИЯСЫ