Тәуелсіздік тұғыры - мемлекеттік тіл

Өз тілін өзі білмеген ел – ел болмайды

Халел Досмұхамедұлы

Сөзі жоғалған ұлттың өзі де жоғалады

Ахмет Байтұрсынұлы

Тіл – адам жанының тілмашы

Мағжан Жұмабаев

Тіл тазалығы үшін күрес - ешқашан толастамайтын мәңгілік күрес

Бауыржан Момышұлы

Ана тілін жақсы меңгере алмай тұрып, өзге пәндерді түсіну мүмкін емес

Жүсіпбек Аймауытұлы

Республикалық жыршы-термешілер байқауы өтті

10.11.2019 255
Қызылорда қаласында ҚР Мәдениет және спорт министрлігі Тіл саясаты комитетінің қолдауымен «Айтыс ақындары мен жыршы, термешілердің халықаралық Одағы» РҚБ ұйымдастыруымен «Текті сөздің төресі — терме» атты республикалық жыршы-термешілер байқауы өтті.

А.Тоқмағамбетов атындағы Мәдениет орталығында өткен сайысқа Республиканың 14 облысы мен 3 мегаполисінен 17 өтініш түсіп, іс жүзінде 13 үміткер өнер көрсетті. Іс-шараны «Айтыс ақындары мен жыршы, термешілердің халықаралық Одағы» РҚБ Басқарма төрағасы Ж.Ерман мен Қызылорда облыстық Әкімдігі Ішкі саясат басқармасының басшысы Т.Мақанов сөз сөйлеп ашып берді.

ҚР Халық әртісі Қ.Бекбосынов төрағалық еткен қазылар алқасының құрамында ҚР Мәдениет қайраткері, жыршы Е.Шалдыбеков, «Дарын» мемлекеттік жастар сыйлығының, «Құрмет» орденінің иегері, ақын Б.Шойбеков, ҚР «Мәдениет саласының үздігі», өнертанушы Е.Қайназар, екі дүркін «Алтын домбыра» иегері М.Ниязов қазылық етті.

Байқау қорытындысы бойынша Бас жүлде — Елбол Қуанбекке (Алматы облысы) бұйырды. І орын Шынболат Айданаға (Шымкент), екі ІІ орындар Бекпейісов Мұхамедәліге (Қызылорда) және Әлбосын Таңнұрға (Көкшетау) бұйырды. Үшінші орынға ІҚайыржанова Гүлбағым (Алматы) мен Қисатова Салтанатқа (Павлодар) тиесілі болды. Жүлдегерлер мен қатысушылар ҚР Мәдениет және спорт министрлігінің дипломымен және қаржылай сыйлықтармен марапатталды.

Тегтер: терме, Қызылорда, ақын, жыршы, Сыр елі
Авторы: "Тіл әлемі" ақпарат

Сондай-ақ, оқи отырыңыз

128

ақпарат

Латын әліпбиіне көшу – дұрыс таңдау

84

ақпарат

Түркі мұрасын түгендеген еңбек

371

ақпарат

Анар Фазылжанова: "10 әріпті пайдаланбаймыз. Олар..."