Қазقاز        
Кіру 
Кіру тіркелу

Тәуелсіздік тұғыры - мемлекеттік тіл

Өз тілін өзі білмеген ел – ел болмайды

Халел Досмұхамедұлы

Сөзі жоғалған ұлттың өзі де жоғалады

Ахмет Байтұрсынұлы

Тіл – адам жанының тілмашы

Мағжан Жұмабаев

Тіл тазалығы үшін күрес - ешқашан толастамайтын мәңгілік күрес

Бауыржан Момышұлы

Ана тілін жақсы меңгере алмай тұрып, өзге пәндерді түсіну мүмкін емес

Жүсіпбек Аймауытұлы

Жалпықазақстандық ашық диктант өтті

10.9.2019 496
Нұр-Сұлтан қаласындағы Ұлттық академиялық кітапханасында, сондай-ақ еліміздің барлық облыстары, қалалары және аудандық кітапханалар мен ЖОО-да латын графикасы негізінде қазақ тілінде жалпықазақстандық ашық диктант өтті..

Іс-шараның мақсаты – этносаралық коммуникация тілі ретінде мемлекеттік тілдің маңызын нығайту. ҚХА Төрағасының орынбасары – Хатшылық меңгерушісі Ж.Түймебаев: «Мемлекеттік тілде жалпықазақстандық ашық диктант жазу – Қазақстан халқы Ассамблеясының төл жобасы. Оның мақсаты қоғамымызда халықты ұйыстырушы фактор – мемлекеттік тілді білуге қызығушылықты арттырып, қазақстандық бірегейлікті қалыптастыру, қоғамдық келісім мен ел бірлігін нығайту. Қазақстан Халқы Ассамблеясы ұйымдастыруымен республика бойынша диктантқа 180 мыңға жуық адам қатысып отыр. Диктант – жыл сайын Қазақстанның тілдері күні шеңберінде, ел өміріндегі ерекше оқиғалардың ең маңыздысын арқау ете отырып, жазылады»,- деп атап өтті.

2017 жылы «Мәңгілік Ел» патриоттық актісі қабылданғанда, Қазақстан халқы Ассамблеясы еліміздің барлық елді мекендерінде осы патриоттық актіге арналған жалпықазақстандық ашық диктант өткізуге бастама көтерген болатын. Бұл бастаманы барша мемлекеттік органдар, жоғары оқу орындары, зиялы қауым мен этномәдени бірлестіктер өкілдері қызу қолдап, содан бері бұл іс-шара игі дәстүрге айналды.

Диктантты Ассамблеяның, Қазақстан Республикасы Президенті жанындағы «Қоғамдық келісім» республикалық мемлекеттік мекемесінің және бірнеше министрліктің тілдерді дамыту басқармаларының мамандарынан құрылған комиссия тексереді. Диктантты ең үздік жазған қатысушыларға Қазақстан халқы Ассамблеясының алғыс хаты табыс етіледі.

Тегтер: Диктант, Қазақстан халқы ассамблеясы, мемлекеттік тіл, қазақ тілі
Авторы: "Тіл әлемі" ақпарат

Сондай-ақ, оқи отырыңыз

77

ақпарат

«Латын графикасына көшу жұмыстарының нәтижесі және алдағы міндеттер» атты жұмыс топтарының біріккен отырысы өтеді.

24

ақпарат

«Салалық терминологияны қазақ тіліне бейімдеу мәселелері» атты онлайн-семинар өтеді

133

ақпарат

Журналистерге арналған семинар өтті