Қазقاز        
Кіру 
Кіру тіркелу

Тәуелсіздік тұғыры - мемлекеттік тіл

Өз тілін өзі білмеген ел – ел болмайды

Халел Досмұхамедұлы

Сөзі жоғалған ұлттың өзі де жоғалады

Ахмет Байтұрсынұлы

Тіл – адам жанының тілмашы

Мағжан Жұмабаев

Тіл тазалығы үшін күрес - ешқашан толастамайтын мәңгілік күрес

Бауыржан Момышұлы

Ана тілін жақсы меңгере алмай тұрып, өзге пәндерді түсіну мүмкін емес

Жүсіпбек Аймауытұлы

"Мемлекеттік тіл және БАҚ" байқауы жалғасуда

4.6.2019 1024

Дәстүрлі "Мемлекеттік тіл және БАҚ" республикалық байқауына материал қабылдау жүріп жатыр.

Қазақстан Республикасы Мәдениет және спорт министрлігі Тіл саясаты комитеті мен "Ш.Шаяхметов атындағы "Тіл-қазына" ұлттық ғылыми-практикалық орталығы" КеАҚ-ның ұйымдастыруымен өтетін байқауға ел аумағындағы барлық БАҚ өкілдері қатыса алады.

Ол үшін мемлекеттік тіл саясатын насихаттайтын, қазақ тілінің қолданылым аясын кеңейтуге ықпал етіп, Тіл туралы заңға қайшы әрекеттерді әшкерелейтін БАҚ-та (2018 жылғы 11 маусым мен 2019 жылғы 13 маусым аралығы) жарияланған материалдарын ағымдағы жылдың 14 маусымына дейін жолдауы тиіс.

Байқау жеңімпаздары төрт номинация бойынша анықталады.

1) «Үздік мақала»;

2) «Үздік телебағдарлама»;

3) «Үздік радиобағдарлама»;

4) «Үздік сайт мақаласы».

Байқау қатысушыларының жұмысын Комитет бекіткен, филология, журналистика салаларының білікті мамандары, ғалымдар, зиялы қауым өкілдерінен құралған арнайы комиссия бағалап, жеңімпазды анықтайды.

Байқау жеңімпазына 1 000 000 теңге табысталады.

Ал әр номинация бойынша жүлдегерлер:

І орын - 500 000 теңге

ІІ орын - 350 000 теңге

ІІІ орын - 150 000 теңгенің сертификатын иемденеді.

Айта кетейік, алдыңғы байқауларда бас жүлдені иемденген жеңімпаздар конкурсқа қатыстырылмайды.

Байланыс телефондары: 8 (7172) 74-01-35, 74-14-97, 27-71-33

Тегтер: Мемлекеттік тіл және БАҚ, емле ережесі, латын графикасы, жазу сауаттылығы, орфография, орфоэпия
Авторы: Tilalemi ақпарат

Сондай-ақ, оқи отырыңыз

150

ақпарат

Ахмет Байтұрсынұлы

121

ақпарат

​«Бірге түзетейік!» байқауы

90

ақпарат

Тренерлерге дәріс-семинар өтеді