Қаз Latقاز        
Кіру
Кіру тіркелу
Тәуелсіздік тұғыры - мемлекеттік тіл

Өз тілін өзі білмеген ел – ел болмайды

Халел Досмұхамедұлы

Сөзі жоғалған ұлттың өзі де жоғалады

Ахмет Байтұрсынұлы

Тіл – адам жанының тілмашы

Мағжан Жұмабаев

Тіл тазалығы үшін күрес - ешқашан толастамайтын мәңгілік күрес

Бауыржан Момышұлы

Ана тілін жақсы меңгере алмай тұрып, өзге пәндерді түсіну мүмкін емес

Жүсіпбек Аймауытұлы

Зиялылар Елбасының мақаласында айтылған жайларды талқылады

13.4.2017 908
Қазақстан Республикасының Мәдениет және спорт министрлігінің ұйымдастыруымен Астана қаласындағы Ұлттық академиялық кітапханада осы ведмствоға қарасты қоғамдық кеңес төрағасы Мырзатай Жолдасбековтің төрағалығымен алқалы басқосу өтті, - деп хабарлайды Абай-ақпарат.

Бұл жиын «Егемен Қазақстан» газетінде жарияланған Елбасының «Болашаққа бағдар: рухани жаңғыру» атты мақаласын талдауға арналды.

Жиынға қатысқан академик Ғарифолла Есім, профессорлар Қажығали Мұхамбетқали, Намазалы Омашевтар өз ойларын ортаға салып, Елбасының мақаласын үлкен ықыласпен оқып шыққаннан кейін едәуір ой түйгендерін әңгіменің арқауына айналдырды.

Әсіресе Елбасы айтқан «Ұлттық салт-дәстүрлеріміз, тіліміз бен музыкамыз, әдебиетіміз, жоралғыларымыз, бір сөзбен айтқанда ұлттық рухымыз бойымызда мәңгі қалуға тиіс» деген даналық сөзі қай-қайсымызды болса да рухтандырары сөзсіз.

Елбасының мақаласындағы тағы бір дана сөзіне, яғни «Абайдың даналығы, Әуезовтің ғұламалығы, Жамбылдың жырлары мен Құрманғазының күй­лері, ғасырлар қойнауынан жеткен бабалар үні – бұлар біздің рухани мәдениетіміздің бір парасы ғана» деген ойына тоқталған «Астана-Опера» театрының бас директоры Ғалым Ахмедияров пен «Қазақ әуендері» АҚ-ның басшысы Асхат Маямеровтер қазақ мәдениетін тірілтуге қатысты өз ойларын ортаға салды.

Ал, Тілдерді дамыту және қоғамдық саяси жұмыс комитеті төрағасының орынбасары Ғалымжан Мелдешов латын әліпбиіне көшудің қажеттілігі туындағанын тілге тиек етіп, Елбасының бұл ұсыныстарын барынша қолдайтынын жеткізді.

Тегтер: Елбасы мақаласы, зиялылар талқысы, "Болашаққа бағдар: рухани жаңғыру"
Авторы: Шыңғыс Бердіқожа, "Aбай-ақпарат"

Сондай-ақ, оқи отырыңыз

8 0

ақпарат

​Қостанайда «Тіл – парасат» атты облыстық байқау өтті

43 0

ақпарат

​Тіл ғылымының негіздеріне жаңаша көзқарас қажет

81 0

ақпарат

Сирек қолжазба – құнды мұра