Қазقاز        
Кіру
Кіру тіркелу
Тәуелсіздік тұғыры - мемлекеттік тіл

Өз тілін өзі білмеген ел – ел болмайды

Халел Досмұхамедұлы

Сөзі жоғалған ұлттың өзі де жоғалады

Ахмет Байтұрсынұлы

Тіл – адам жанының тілмашы

Мағжан Жұмабаев

Тіл тазалығы үшін күрес - ешқашан толастамайтын мәңгілік күрес

Бауыржан Момышұлы

Ана тілін жақсы меңгере алмай тұрып, өзге пәндерді түсіну мүмкін емес

Жүсіпбек Аймауытұлы

​«Латын әліпбиін енгізудің ғылыми-ұйымдастырушылық міндеттері» семинар-кеңесі өтеді

13.12.2018 362

Қазақстан Республикасы Мәдениет және спорт министрлігі Тіл саясаты комитеті Шайсұлтан Шаяхметов атындағы «Тіл-Қазына» ұлттық ғылыми-практикалық орталығы 2018 жылдың 14 желтоқсан күні «Латын әліпбиін енгізудің ғылыми-ұйымдастырушылық міндеттері» тақырыбында республикалық семинар-кеңес өткізеді.

Семинар-кеңестің мақсаты – латын графикасына негізделген жаңа емле ережелерін Қазақстан Республикасы жанындағы Ұлттық комиссия мақұлдауына байланысты атқарылған жұмыстарды қорытындылау, алдағы уақыттағы жұмыс жоспарын пысықтау және болашақта ұйымдастырылатын ғылыми бағыттағы жұмыстарды белгілеу.

Семинар барысында еліміздің беделді ғалымдары Орфографиялық, Әдістемелік, Терминологиялық жұмыс тобы мүшелері Шерубай Құрманбайұлы, Таңат Аяпова, Анар Фазылжанова, Айман Алдаш, Жанар Жұмабаева, Құралай Күдеринова, Айнұр Сейітбекова қатарлы тілші-ғалымдар емле ережелерінің теориялық, әдістемелік негіздері, емле ержелерін үйретуде туындайтын қиындықтар, 2019 жылғы Орфографиялық жұмыс тобы атқаратын шаралар, Ономастикалық ережені дайындаудағы мәселелер, Емле негізінде дайындалатын анықтағыштың негізгі бағыттары турасында баяндамалар жасайды. Тіл орталықтарының әдіскерлері мен мамандарына арналған жаңа жазуды меңгерту әдістемесін үйрететін курс бағдарламасы таныстырылып, талқыланады.

Сонымен қатар латын графикасына көшкен түрік, әзербайжан тілі емле ережелеріндегі ерекшеліктер сөз болады. Аталған шараға 4 жұмыс тобының ғалымдары мен әдіскерлері, мамандар, зиялы қауым өкілдері және журналистер қатысады.

Өтетін уақыты: 14 желтоқсан сағат 10:00 де

Өтетін орны: Сарыарқа көшесі 8а, Park Inn қонақүйі, 2 қабат конференция залы

Тегтер: семинар-кеңес, Қазақстан Республикасы Мәдениет және спорт министрлігі Тіл саясаты комитеті, латын әліпбиі
Авторы: "Тіл әлемі.кз" ақпарат

Сондай-ақ, оқи отырыңыз

75 0

ақпарат

Сертификаттар табысталды

107 0

ақпарат

Талдықорғанда оқытушыларға дәріс-семинарлар өткізілуде

141 0

ақпарат

Таразда тренерлерге арналған дәріс-семинар басталды