Қазقاز        
Кіру 
Кіру тіркелу

Тәуелсіздік тұғыры - мемлекеттік тіл

Өз тілін өзі білмеген ел – ел болмайды

Халел Досмұхамедұлы

Сөзі жоғалған ұлттың өзі де жоғалады

Ахмет Байтұрсынұлы

Тіл – адам жанының тілмашы

Мағжан Жұмабаев

Тіл тазалығы үшін күрес - ешқашан толастамайтын мәңгілік күрес

Бауыржан Момышұлы

Ана тілін жақсы меңгере алмай тұрып, өзге пәндерді түсіну мүмкін емес

Жүсіпбек Аймауытұлы

​Талдықорғанда «Тіл – рухани жаңғыру тетігі» атты дебат өтті

23.10.2018 571
Алматы облысының тілдерді дамыту жөніндегі басқармасының ұйымдастыруымен «Тіл – рухани жаңғыру тетігі» атты республикалық пікірсайыс турнирі өтті.

Білім мен тіл ұстарту өнеріне құштар ұл-қыздың басын қосқан дебатта мемлекеттік тілдің қолданыс аясын кеңейту мақсатында түрлі тақырып аясында тапсырмалар берілді. Екі күнге созылған турнирде қатысушылар BPF және APF форматында, яғни ағылшын парламенті мен Америка парламенті үлгісінде пікір сайыстырып, ақтық кезең үшін жарысты. Нәтижесінде 20 команданың ішінен суырылып шыққан үздік топтар көпшілік алдында толғамды тұжырымдарын дәлелдеп, ерекше көзге түсті.

Қызықты өткен «Тіл – рухани жаңғыру тетігі» турнирінің бас жүлдесі мен арнайы Кубок Астана келген «Аспаннан үлкен» командасына бұйырса, бірінші орын тараздық топқа берілді. Ал мұнан кейінгі жүлделі орындарға шымкенттік «Әлемге танымал мырзалар» тобы мен алматылық «Интисар» командасы лайықты болды. Жүлдегерлердің барлығына қомақты қаражат табысталды.

- Халқымыздың «Білекті бірді, білімді мыңды жығады» деген ұлағатты сөзі білімнің баға жетпес үлкен рухани қару екендігін, сонымен қатар аса зор өндіргіш күш екенін көрсетеді. Ал, қазақ шeшeндiк сөздeрi — бастаy алар қайнар бұлақтарын түркiлiк танымнан түптeн тартып, өзiндiк ұлттық eрeкшeлiктeрдi, қасиeттeрдi бойына жинақтап, көркeмдiк қyатымeн, ғибраттық сарынымeн дараланған, сондай-ақ, аса бай поэтикалық тiлiмeн өзгeшe қалыпта көрiнгeн, халқымыздың рyхани азығына айналған көркeмдiк құбылыс. Сондықтан да баба мұрасы – ұрпаққа ұлағат, кейінгіге аманат, келер күнмен бірге жасайтын рухани асыл қазына. Бүгінгі күннің пікірсайысы – кешегі өткен халық даналығының, асыл қасиеттерінің қазіргі заманға сай жаңаланған бейнесі, - дейді жарыс жайында Алматы облысының тілдерді дамыту жөніндегі басқармасының басшысы Айдар Башбаев.


Тегтер: Алматы, тіл, рухани қазына, пікірсайыс
Авторы: Қалмаханбет МҰҚАМЕТҚАЛИ, «Егемен Қазақстан»

Сондай-ақ, оқи отырыңыз

58

ақпарат

​«Тілдарын» облыстық олимпиадасы өтті

65

ақпарат

Тіл жанашырларына құрмет көрсетілді

50

ақпарат

Қазақ тілі – елімізді тұтастандыратын қуатты құрал