​«Тілдік келісім» фестивалі өтті

Ағымдағы жылдың 19 қазанында Кенжекөл ауылының отбасы үлгісіндегі балалар ауылында жетім және ата-ана қамқорлығынсыз қалған балаларға арналған «Тілдік келісім» жобасы аясында фестиваль өтті.
Tilalem.kz

Tilalem.kz

19 қазан, 2018

Павлодар облыстық тілдерді дамыту жөніндегі басқармасы Елбасының «Болашаққа бағдар: рухани жаңғыру» бағдарламалық мақаласы негізінде ауқымды жобаларды іске асыруда. Солардың ішінде «Тілдік келісім» жобасы. Жобаның мақсаты – ұлттық салт-дәстүрімізді, әдет-ғұрпымызды, тілімізді, мәдениетімізді, өмір салтымызды заманға сай одан әрі байыту, оны бүгінгі ұрпақтың санасына сіңіру арқылы жаңа ұрпақты қалыптастыру.

Фестиваль барысында өңіріміздің тарихын, мәдени мұрасын, ана тілімізді, рухани құндылықтарымызды насихаттау бағытындағы мәдени-сауықтыру концерттік бағдарламасы ұсынылды. Шарада тәрбиеленушілермен «Асық ату», «Сақина салу» және басқа да дүниетанымды арттыратын ойындар ойнатылды.

Аталмыш шараға Павлодар қаласының және Кенжекөл ауылының отбасы үлгісіндегі балалар ауылының тәрбиеленушілері қатысты.


Баға беріңіз