Қазقاز        
Кіру
Кіру тіркелу
Тәуелсіздік тұғыры - мемлекеттік тіл

Өз тілін өзі білмеген ел – ел болмайды

Халел Досмұхамедұлы

Сөзі жоғалған ұлттың өзі де жоғалады

Ахмет Байтұрсынұлы

Тіл – адам жанының тілмашы

Мағжан Жұмабаев

Тіл тазалығы үшін күрес - ешқашан толастамайтын мәңгілік күрес

Бауыржан Момышұлы

Ана тілін жақсы меңгере алмай тұрып, өзге пәндерді түсіну мүмкін емес

Жүсіпбек Аймауытұлы

​Жаһандану жағдайындағы тіл үйретудің тәсілдері талқыланды

4.10.2018 527
Бүгін Қызылорда қаласындаҚазақстан Республикасы ҚР Мәдениет және спорт министрлігіТіл саясаты комитеті Шайсұлтан Шаяхметов атындағы «Тіл -Қазына» ұлттық ғылыми-практикалық орталығы «Жаһандану жағдайындағы тіл үйретудің инновациялық әдіс-тәсілдері» республикалық семинарын өткізді.

Семинар жұмысына Тіл саясаты комитетінің сарапшысы Қонай Халым,Шайсұлтан Шаяхметов атындағы «Тіл-Қазына» ұлттық ғылыми-практикалық орталығыныңатқарушы директоры Ербол Тілешов, Қызылорда облыстық ішкі саясат басқармасының басшысы Талғат Маханов, «Тіл-Қазына» ұлттық ғылыми-практикалық орталығы əдістемелік бөлімінің басшысы Сабира Сапина және Астана, Алматы қалалары мен облыс орталықтарындағы мемлекеттік тілді оқыту орталықтарыныңоқытушылары мен әдіскерлері қатысты.

Шайсұлтан Шаяхметов атындағы «Тіл-Қазына» ұлттық ғылыми-практикалық орталығыныңатқарушы директоры Ербол Тілешов «Жаңа қазақ əліпбиі: ұлттық өркениет бағдары жəне жаһандық дамумен сабақтастық» тақырыбындағы баяндамасында тіл оқыту барысында басшылыққа алынатын жаһандық, заманауи ұстанымдар мен қағидалар туралы, әлемдік тіл үйрету үдерісінде дамыған, ал қазақ тілін оқытуда әлі күнге дейін теориялық та, практикалық та тұрғыдан жүйеленбей келе жатқан тілдің бастапқы лексикалық минимумын анықтау, оны тілді деңгейлеп оқыту барысында қолдану мәселесі турасындағы ойларымен бөлісті.

Қарағанды облысы Тілдерді оқыту орталығыныңоқытушысы Динара Қуанбаева қазақ тілі сабақтарында заманауи мультимедиялық технологияларды, Playposit, Socrstive, Thinglink онлайн бағдарламаларынқолданудың әдіс-тәсілдерін практика жүзінде көрсетті.

Шайсұлтан Шаяхметов атындағы «Тіл-Қазына» ұлттық ғылыми-практикалық орталығы əдістемелік бөлімінің басшысы СабираСапина «Латын графикасы негізіндегі қазақ тілінің жаңа емле ережелерін оқыту мәселелері» тақырыбы бойынша емле ережелерінің жобасын таныстырып, жазу жобасындағы өзгерістер енген жаңа ережелерді мысалдар арқылы түсіндірді. Тыңдаушылар ережелер жобасын үлкен қызығушылықпен қабылдап, кейбір мәселелер бойынша пікірлерін білдіріп, емледе сөйлеу тілінің заңдылықтары сақталғандығын, бұл өз ретінде тіл үйрету кезінде, әсіресе, шет тілдерден енген сөздердің жазылуын үйрету кезінде оңтайлы болатындығын атап көрсетті.

Ақтөбе облысы Тілдерді оқыту орталығының оқытушысы АлтынгүлТəңірбергенова оқытудыңжаңашыл, белсендіәдіс-тәсілдерін және қазақ тілін шетел тілі немесе екінші тіл ретінде оқыту әдістемесі негізіндеқұрастырылған интерактивті«Lepbook» бағдарламасын таныстырды.

Шарада «Атамекен» ҚР ҰҚП Бизнес-коммуникацияны мемлекеттік тілде дамыту департаментінің сарапшы-лингвисі, филология ғылымдарының кандидаты Бекзат Динаева, Көкшетау қаласы Тілдерді оқыту орталығының оқытушысы Гүлнар Кажкенова сыни ойлау технологиясы арқылы жазылым дағдыларын меңгерту жолдары мен қазақ тілін оқытуда электрондық, ақпараттық-коммуникативтік технологияларды пайдаланудың тиімділігін көрсететін тәжірибелерімен бөлісті.

Семинар барысында ұсынылған әдіс-тәсілдерге Қорқыт ата атындағы Қызылорда мемлекеттік университетінің доценті, филология ғылымдарының кандидаты Гүлшат Қамзаева ғылыми-әдістемелік сараптама жасап, бағасын берді.

Шара соңында семинар қатысушыларына ҚР Мәдениет және спорт министрлігі Тіл саясаты комитетінің сертификаттары табысталды.

Тегтер: Қызылорда, Тіңл-Қазына, семинар, әдіс-тәсіл
Авторы: "Тіл әлемі.кз" ақпарат

Сондай-ақ, оқи отырыңыз

100 0

ақпарат

​Тәуелсіздік – ұлтымыздың ұлы құндылығы

114 0

ақпарат

«Үздік қызметкер» байқауы өтті

104 0

ақпарат

​«Латын әліпбиін енгізудің ғылыми-ұйымдастырушылық міндеттері» семинар-кеңесі өтеді