«Қазақшаңыз қалай?» акциясы басталды
Павлодар облысы тілдерді дамыту жөніндегі басқармасының бастамасымен қалалық сауда үйлерінде «Қазақшаңыз қалай?» акциясы өтті. Аталған іс-шараны ұйымдастыруға «Серпін» бағдарламасы бойынша білім алып жаткан Павлодар мемлекеттік педагогикалық университетінің белсенді студенттері атсалысты.
Акцияның мақсаты - мемлекеттік тілдің қолданылу аясын барынша кеңейту және оның қоғамның тыныс-тіршілігінің барлық саласына енгізу болып табылады.
Акцияға қаланың тұрғындары қатысып, қойылған сұрақтарға қазақ тілінде жауап беріп, мемлекеттік тілді білу деңгейлерін анықтады. Акцияның белсенді қатысушылары ынталандыру сыйлықтары табысталды.
Баға беріңіз