Қаз Latقاز        
Кіру
Кіру тіркелу
Тәуелсіздік тұғыры - мемлекеттік тіл

Өз тілін өзі білмеген ел – ел болмайды

Халел Досмұхамедұлы

Сөзі жоғалған ұлттың өзі де жоғалады

Ахмет Байтұрсынұлы

Тіл – адам жанының тілмашы

Мағжан Жұмабаев

Тіл тазалығы үшін күрес - ешқашан толастамайтын мәңгілік күрес

Бауыржан Момышұлы

Ана тілін жақсы меңгере алмай тұрып, өзге пәндерді түсіну мүмкін емес

Жүсіпбек Аймауытұлы

​«Терминжасам қағидаттары және ұлттық терминология мәселелері» атты конференция өтеді

10.5.2018 562
Қазақстан Республикасы Мәдениет және спорт министрлігі Тілдерді дамыту және қоғамдық-саяси жұмыс комитетінің мемлекеттік тапсырмасы бойынша Ш.Шаяхметов атындағы тілдерді дамытудың республикалық үйлестіру-әдістемелік орталығының ұйымдастыруымен 18 мамырда Назарбаев Университетінің «Senat» залында «Терминжасам қағидаттары және ұлттық терминология мәселелері» атты республикалық ғылыми-теориялық конференция өтеді.

Конференцияның мақсаты – қазіргі жаһандық ғылыми-техникалық даму үдерістерінде ғылым, білім, техника мен экономика, қоғамдық-әлеуметтік салаларындағы терминдер мен термин сөздерді жетілдіру, толықтыру және біріздендіру мақсатында теориялық және практикалық ізденістерді сараптау және талқылау.

Конференцияда қазіргі ұлттық терминологияның жай-күйі және келешегі, терминжасам қағидалары мен ұлттық терминология міндеттері, қазақ әліпбиін латын графикасына көшіруге байланысты туындайтын терминологиялық міндеттер, терминжасам құрылымын дамыту, терминді бекіту, біріздендіру және стандарттауды іске асырудың мемлекеттік тетіктерін дамыту, ұлттық терминқордың электрондық базасын жасаудың ғылыми-тәжірибелік негіздері сөз болады.

Жиында ұлттық терминологиядағы мәселелер жөнінде ҚР ҰҒА корреспондент мүшесі, ф.ғ.д., профессор Шерубай Құрманбайұлы, Назарбаев Университетінің профессоры, филология ғылымдарының докторы Сарқыт Әлісжан және т.б. терминолог-ғалымдар баяндама жасайды.

Ғылыми-теориялық конференцияға Қазақстан Республикасы Үкіметінің жанындағы Республикалық мемлекеттік терминологиялық комиссия мүшелері, ҚР Мәдениет және спорт министрлігінің жауапты қызметкерлері, терминолог-ғалымдар, докторанттар мен магистрлер, орталық және жергілікті атқарушы мемлекеттік органдардың қызметкерлері, ұлттық компаниялардың өкілдері, сондай-ақ қоғамдық ұйымдар мен зиялы қауым, БАҚ өкілдері қатысады.

Тегтер: терминология, Назарбаев университеті, конференция, жиын
Авторы: "Тіл әлемі.кз" ақпарат

Сондай-ақ, оқи отырыңыз

31 0

ақпарат

«Шылпылдақтар аталық», «белбеу әйел»…

24 0

ақпарат

​Астанада математика мен тілді терең меңгеруге арналған мектеп ашылды

82 0

ақпарат

Ілеспе аудармашыларға арналған шеберлік сыныбы өтуде