Қаз Latقاز        
Кіру
Кіру тіркелу
Тәуелсіздік тұғыры - мемлекеттік тіл

Өз тілін өзі білмеген ел – ел болмайды

Халел Досмұхамедұлы

Сөзі жоғалған ұлттың өзі де жоғалады

Ахмет Байтұрсынұлы

Тіл – адам жанының тілмашы

Мағжан Жұмабаев

Тіл тазалығы үшін күрес - ешқашан толастамайтын мәңгілік күрес

Бауыржан Момышұлы

Ана тілін жақсы меңгере алмай тұрып, өзге пәндерді түсіну мүмкін емес

Жүсіпбек Аймауытұлы

Нұрсұлтан Назарбаев: Латын әліпбиімен күнделікті жазып үйреніп жүрмін

12.4.2018 152
Қоғам қайраткерлеріне латын қарпіндегі клавиатура таныстырылды «Қазақ тілін латын әліпбиіне көшіруді бастадық. Ол жөнінде үлкен әңгіме, халықтың арасында талқылау болды. Елдің пікірін жинадық. Ғалымдардың, тіл мамандардың ұсыныстарын жинадық. Бұл еліміз үшін, халқымыз үшін теңдесі жоқ оқиға деп санауға болады», - деді Мемлекет басшысы «Жаңа гуманитарлық білім. Қазақ тіліндегі 100 жаңа оқулық» жобасы аясында жарық көрген оқулықтардың таныстырылымы барысында.

Елбасы Тәуелсіз 26 жыл ішінде қол жеткізген жетістіктерге де тоқталды. Бірінші жетістік ретінде Қазақстанның әлем қауымдастығының төрінен орын алған елге айналғанын айтты. Ал қазақ халқы тұңғыш рет өз санасымен, өз ойымен елордасын салғанын екінші жетістік деп атады.

«Барлық хандарымыз осындай қала салуды армандап кеткен. Ол арманға біз жеттік",- деді Н.Назарбаев.

"Үшіншісі ешкімнің ықпалынсыз тәуелсіз, егемен ел ретінде ешкімнің мәжбүрлеуінсіз, өз еркімізбен әліпбиімізді, жазуымызды таңдадық. Әр елдің тарихында мұндай мәселе есте қаларлық үлкен оқиға саналады. Біз еліміз көш басында болсын, ана тіліміз кемелдене түссін деп осыны жасадық. Қазір оны бекіттік. Енді ептеп-ептеп енгізуіміз керек. Өзімде күнде отырып алып Абайдың сөздерін, ойларымды сол әліпбимен жазамын. Меніңше, онша қиын емес», - деді Елбасы.

Айта кетейік, Астанадағы Назарбаев орталығында «Қазақ тіліндегі 100 жаңа оқулық» жобасы аясында аударылған алғашқы кітаптардың таныстырылымы өтіп жатыр. Жиында сөз сөйлеген Ұлттық аударма бюросының атқарушы директоры Рауан Кенжеханұлы қазақ тіліне аударылған 18 оқулықтың жалпы таралымы 47 миллионнан асатындығын айтты. Сонымен қатар, ол америкалық студенттер 280 долларға сатып алатын оқулықты қазақстандар тегін оқитындығын атап өтті.


Тегтер: Н.Назарбаев, Елбасы, латын, латын графикасы
Авторы: inform.kz

Сондай-ақ, оқи отырыңыз

46 0

ақпарат

Сирек қолжазба – құнды мұра

48 0

ақпарат

​Қандай кітап көп оқылады?

46 0

ақпарат

«Тәуелсіздіктің дәуірі» - Отаншылдыққа тәрбиелейтін құнды еңбек