Қаз Latقاز        
Кіру
Кіру тіркелу
Тәуелсіздік тұғыры - мемлекеттік тіл

Өз тілін өзі білмеген ел – ел болмайды

Халел Досмұхамедұлы

Сөзі жоғалған ұлттың өзі де жоғалады

Ахмет Байтұрсынұлы

Тіл – адам жанының тілмашы

Мағжан Жұмабаев

Тіл тазалығы үшін күрес - ешқашан толастамайтын мәңгілік күрес

Бауыржан Момышұлы

Ана тілін жақсы меңгере алмай тұрып, өзге пәндерді түсіну мүмкін емес

Жүсіпбек Аймауытұлы

"Сенат пен Мәжіліс депутаттары да бұдан былай жұмысты тек қазақ тілінде жүргізуі тиіс"

27.2.2018 484
Елбасы Ақпарат және байланыс министрі Дәурен Абаевты қабылдап, бірқатар тапсырма жүктеген еді. Сол тапсырмалардың бірі жалпы үкімет пен Парламентке қарай айтылды, яғни министрлер кабинеті де, Сенат пен Мәжіліс депутаттары да бұдан былай жұмысты тек қазақ тілінде жүргізуі тиіс деді Президент.​

Жасыратыны жоқ, қоғамның қазақтілді бөлігі Елбасының бұл бастамасын қолдай кетіп, мәз-мейрам боп жатыр. Мұны әсіресе әлеуметтік желілердегі жазбалардан анық байқауға болады. Көпшілігі мұны «егемендік жылдарындағы ең маңызды шешім» деп атойласа, өзгелері бір ауыз қазақша білмейтін шенді-шекпенділердің қазақ тілінде сайрап кететініне сеніңкіремейді.

Иә, тәуелсіздігімізді алғанымызға отыз жылға жуық уақыт өтсе де әліге дейін қазақша «нан сұрап жей алмайтын» лауазымды тұлғалар елімізде жетіп артылады. Расымен де олар не істемек? Отыз жылда үйренбеген мемлекеттік тілді бірер жылда үйреніп ала ма, әлде ұлы сөзде ұят жоқ дегендей, Елбасының тапсырмасына «көлденең қоя ма»?

Мәселен сіз көз алдыңызға Талғат Мұсабаевтың, Владимир Косаревтің, Артур Платоновтың, Альберт Раудың, Роман Склярдың, Владимир Божконың Парламентте қазақша сөйлеп отырғанын елестете аласыз ба? Мүмкін емес сияқты, иә? Сол сияқты Үкіметте де қазақшаны тек қағазға қарап қана оқитын лауазымды тұлғалар көп. Бұлар Елбасының тапсырмасын орындай ала ма, әлде құлақ аспай қоя сала ма? Әншейін де әр сөзін «в рамках поручении Президента» (Елбасы тапсырмасына сәйкес) деп бастайтын шенеуніктерге бұл жолы расымен де қиын болатын сияқты.

Десе де, осындай кең байтақ жерде, тәуелсіз елде отырып, биліктің мемлекеттік тілде сөйлегеніне қуанатын халық әлемнің өзге бұрышында жоқ шығар деген де ой келеді. Жарайды мейлі, не де болса Президент тапсырмасының қаншалықты орындалғанын жыл соңына қарай көре жатармыз. Оған дейін қолдан келгенше шенеуніктерді өзіміз «қамшылайық». Жалпы, мемлекеттік қызметкерлердің әрбірі Президент айтпай-ақ қазақ тілін жетік білулері тиіс. Ата Заңда Қазақстанда бір ғана мемлекеттік тілдің бар екені және оның қазақ тілі екені анық көрсетілген. Мемлекеттік органдардың, ведомстволардың бәрінде ісқағаздар мен құжат айналымы қазақ тілінде жүргізілуі керек. Әрбір мемлекеттік қызметкер қызметке алынар кезде қазақ тілінен емтихан да тапсырады. Енді осы заңдағы талаптардың бәрінен аттап өткендер Мемлекет басшысының тапсырмасын «қатырады» дегенге расымен де сену қиындау болып тұр. Қатыратын болса Елбасы бұған дейін бірнеше рет «қазақ пен қазақ тек қазақша сөйлессін» деп те тапсырған. Өкінішке қарай, бұл тапсырма тек баннерлердегі жазу күйінде қалды.

Тегтер: Президент, Сенат, Мәжіліс, депутат, қазақ тілі
Авторы: "sn.kz" сайты

Сондай-ақ, оқи отырыңыз

61 0

ақпарат

Тәржіма һәм тағылым туралы

75 0

ақпарат

​Арыстанбек Мұхамедиұлы фильмдерді қазақ тіліне аударудың үш нұсқасын ұсынды

97 0

ақпарат

Тіл жанашырлары Осакаровкада